Montsegur e lo Catarisme
Las donadas seguras sus l’istòria de Montsegur e del castèl foguèron establidas a partir de documents istorics, coma los arquius de l’Inquisicion, mas tanben sus las resultas d’escavaments arqueologics menats sul siti dempuèi d’annadas.
Un vilatge classat
Montsegur que se tròba en zòna de mejana montanha, es a l’encòp virat de cap al Piemont, del costat del capluòc de canton e centre màger de comèrci, L’Avelhanet, e cap a la montanha, los bòsques, las estivas. La vida del vilatge ten per part a l’activitat toristica e d’un autre latz als estatjants que plan d’entre eles son originaris de Montsegur o d’Arièja.
Una natura aparada
Al còr del massís de Tava, la resèrva naturala regionala del Massís de Sant Bertomieu s’espandís sus 500 ectaras sus la comuna de Montsegur. Se tròba a l’ubac de la pica de Solarac (2368m), som mai naut de las montanhas nòrd-pirenencas.
L’Unesco pel castèl !
Son uèit. Uèit castèls dels mai bèls quilhats entre Aude e Arièja qu’aspiran al sacre de l’Unesco. De la Ciutat de Carcassona al castèl d’Aguilar o les de Las Tors, Montsegur, Pèirapertusa, Puèglaurenç, Terme e Queribús, totis partejan una beutat sens contèsta e una istòria excepcionala que lor balhan una valor universala tota segura.
