Lo vilatge de Montsegur es un abitat tipe de montanha bastit sus la solana. Es a dire que los ostals adjunts uns als autres son totes virats cap al solelh de biais que los calfe al melhor.
Aqueles ostals, d’un estanci o dos, son cobèrts de teules e semblan dempuèi los acrins barras parallèlas e parièras. Se tròban per las parets d’aqueles ostals de pèiras « recuperadas » al castèl al sègle XIX.
Las carrièras son estreitas e se pòt encara, ençà enlà, veire de cantons, mena de pontets de fusta bastits al dessús de las andronas e que religan los ostals entre eles.
La glèisa es tipica dels vilatges semblables de las vals d’Arièja. Un campanièr (que se ditz tanben rausèl) que s’i tròban las campanas, un cabeç planièr e pas qu’una nau. Al dedins se tròba un tablèu remirable del sègle XVII restaurat fa pauc.
Totjorn dins lo vilatge lo punt de vista del Carolet qu’es de mancar pas que se vei d’aquí la frau de Lacet.
132 personas que 15 son mainatges vivon tot l’an al vilatge.
